Gazetari Roland Qafoku tha se posterat e Belind Këlliçit, e sidomos posteri që është bërë edhe më viral, ai me gishtat e mesit drejtuar “korrupsionit”, janë një mënyrë për të tërhequr sa më shumë vëmendje.

Megjithatë i ftuar në Euronews Albania ai tha se kjo nuk është gjetja e duhur, pasi siç shtoi Qafoku, konsiderohet veprim i pahijshëm e nëse ky gjest bëhet në një fushë sportive, përjashtohesh nga loja.

“Fakti që po komentohet më shumë se sa programi e ka dhënë një mesazh. Kjo quhet reklamë politike, dhe është pjesa më e lartë e komunikimit që bën një politikan veçanërisht në fushatë dhe ai ka tërhequr vëmedjen. Specialistët e komunikimit që ai ka janë munduar dhe janë sforcuar të bëjnë një gjetje për të tërhequr vëmendje.

Nëse do i marrim gjithë posterat me duart e Belindit sepse janë disa, në një ka bërë zemrën, në një ka bërë këndin dhe do ketë e të tjera në vazhdim. Unë di të them që  nëse këtë gjest do  e kishte bërë në sport, do kishte marrë “të kuqe”. nëse kjo në një lojë e në një garë arbitri të nxjerrë të kuqe, ti përjashtohesh. Unë nuk mendoj se kjo është gjetja e duhur e atyre specialistë e të komunikimit”,-tha Roland Qafoku.

LEXONI GJITHASHTU:

• Theu masën e sigurisë “arrest shtëpie”, kapet brenda lokalit në Shkodër 46-vjeçari
• Posterat e Këlliçit, Berisha: Kush vjedh meriton jo gishtin, por shumë më tepër