Pranga policit dhe sekserit, ryshfet për të kthyer patentën e bllokuar të qytetares

Një punonjës i policisë dhe një qytetar kanë rënë në prangat e policisë për korrupsion. Alkid Ndreu, specialist i administrimit të dokumenteve dhe anëtar i Organit Administrativ Shtetëror dhe Eduard Caka, i kanë marrë ryshfet një qytetareje për t’i rikthyer patentën.

Qytetares B.D. i ishte bllokuar patenta nga policia rrugore për tre muaj, për shkelje të rregullave të qarkullimit rrugor.

Eduard Caka, që në këtë rast ka pasur rolin e ndërmjetësuesit, ka marrë shumën prej 70 mijë lekësh nga qytetarja për t’ja dhënë Alkid Ndreut. Ky i fundit, pas marrjes së shumës ka kthyer patentën edhe pse ligjërisht dokumenti rezultonte i bllokuar.

Zyrtari i policisë akuzohet për veprën penale të “Shpërdorimit të detyrës” e kryer në bashkëpunim. Ndërsa Caka për “Ushtrimi i ndikimit të paligjshëm ndaj personave që ushtrojnë funksione publike” .

Nën hetim në gjendje të lirë është dhe qytetarja që ka dhënë shumën prej 70 mijë lekësh për të marrë patentën.

LEXONI GJITHASHTU

• Plagosje me armë zjarri në Durrës, në kërkim autori 28-vjeçar
• Gazetari zbardh përgjimet: 1 i arrestuar për kokainën në Fier fliste me një polic
• “Përgjimi për Ballën është asgjësuar”, Klodiana Lala komenton deklaratën e Çapjas