Preç Zogaj përjashton mundësinë e një përçarjeje fatale të PD

Për Preç Zogaj, Partia Demokratike nuk do të “tretet” dhe do të kthehet në pushtet duke përjashtuar kështu një përçarje fatale.

Zogaj tha se PD ka pasur gjithmonë përçarje, por jo të kësaj natyre siç po ndodh aktualisht mes Bashës dhe Berishës.

Ish-themeluesi i PD e ndan debatin për humbjen e tretë në zgjedhje me debatin për pezullimin e Berishës dhe shpalljen e tij ‘non grata’.

“Kjo që po ndodh sot lidhet me atë që ka ndodhur më 9 shtator, Basha pezulloi Berishën dhe ky i fundit ka nisur një lëvizje që në thelb është lëvizje për ta shkarkuar në shenjë hakmarrjeje”, tha Zogaj.

Dy Kuvendet e PD të paralajmëruara më 11 dhe 18 dhjetor, sipas tij nuk kanë asnjë pikë të përbashkët.

Sipas tij “Basha e ka marrë atë masë kur SHBA ia kërkoi me ngulm, imagjino ta kishin marrë pa presion” se sa i madh do të ishte reagimi.