Prençi: Shkëmbehen kokainë e heroinë në mes të detit Adriatik, policia në dijeni

Ish-drejtuesi i Policisë së Shtetit, Shemsi Prençi tha në një intervistë për “Noë me Erla Mëhillin” se shefi i komisariatit të kurbinit Dritan Metaj nuk ka punuar i vetëm.

Sipas tij koha do e vërtetojë shumë shpejt. Ka dhe ish-eprorë të shefave të komisariateve që kanë drejtuar policinë e Lezhës.

“Nuk mund të marrë përsipër shefi i komisariatit sado detyrim të ketë që të bëjë një veprim të tillë me 1.3 ton kanabis sativa, nuk e merr dot. Strukturat e antidrogës nuk janë në komisariat të policisë, janë në drejtorinë e policisë. Ata që marrin informacion, ata që shkëmbejnë informacion për trafiqet e brendshme dhe ato ndërkombëtare, problemi qëndron që në dijeninë time, ish-drejtuesit e policisë të qarkut të Lezhës e kanë pasur informacionin që bëhet shkëmbim i drogave kanabis sativa me kokainë dhe heroinë në det, jo vetëm për atë rast,” – u shpreh Prençi.

LEXONI GJITHASHTU:

• Sa kg kokainë qarkullonte në 2006-ën? Gazetari bën llogarinë e ‘Baronit të drogës’
• I dënuar për trafik droge, sekuestrohen pasuritë 3 mln euro të “të fortit” në Fier