Presidenca e BE pro-Ukrainës, Tusk: Do ta bëjmë rrugëtimin evropian realitet

Kryeministri polak Donald Tusk ka zhvilluar një vizitë surprizë në qytetin ukrainas të Lvivit. Ai është takuar me presidentin Zelensky për të diskutuar agresionin në vazhdim të Rusisë.

Gjatë takimit, Tusk është zotuar për më shumë ndihmë ushtarake Kievit dhe ka njoftuar hapjen e një kalimi të ri kufitar mes dy vendeve.

Vizita e Tusk tregon gjithashtu vijimin e mbështetjes së Polonisë për Ukrainën. Dhe ndërsa Varshava bëhet gati të marrë presidencën e Bashkimit Evropian  në janar, kryeministri polak ka thënë se vendi i tij do të punojë për avancimin e anëtarësimit të Ukrainës në BE dhe NATO.

“Po të ishte për Poloninë, procesi nuk do zgjaste më shumë se një ditë. Ju mund të mbështeteni tek diplomacia jonë. Ne do bëjmë gjithçka për ta bërë perspektivën e anëtarësimit në NATO sa më reale, edhe pse e dimë që nuk është e lehtë”, tha Donald Tusk, kryeministër i Polonisë.

Presidenti Zelensky vlerësoi qëndrimin e Varshavës, duke theksuar se presidenca polake mund t’i përfaqësojë interesat ukrainase.

Ai shprehu gjithashtu nevojën që Evropa të qëndrojë e bashkuar dhe të përkrahë vendin. Kreu i shtetit shtoi se, forca e Evropës rrjedh nga uniteti dhe një Ukrainë e fortë është jetike për mbrojtjen e Evropës nga agresioni rus.

“A mund t’i zihet besë Rusisë? Jo. A mund t’i zihet besë Putinit? Jo. Ata po luftojnë ndaj nesh dhe po na vrasin. A mund t’i besojmë ne pasardhësit të Putin? E sigurt që jo. Ne jetojmë në Ukrainë, kemi një kufi të gjatë dhe duhet të dalim të fortë nga kjo luftë”, u shpreh Zelensky.

Shumë gjëra mund të ndryshojnë për Ukrainën në javët e ardhshme në frontin demokratik. Donald Trump, që ka qenë kritik i mbështetjes për Ukrainën do të marrë detyrën në janar. Varshava shpreson që presidenca e tij gjatë asaj polake të BE-së të garantojë që Ukraina të mbetet e fortë.

LEXONI GJITHASHTU:

• Si mund të duket plani i paqes për Ukrainën
• Rusia avancon në Lindje të Ukrainës, merr nën kontroll dy vendbanime të tjera