Presidenti Begaj letër urimi Vjosa Osmanit: Jemi pranë Kosovës, përballë çdo sfide

Presidenti i Shqipërisë Bajram Begaj i ka dërguar homologes së tij në Kosovë, Vjosa Osmanit një letër urimi me rastin e 16-vjetorit të shpallje së pavarësisë së Kosovës.

Begaj ka shkruar se 16-vjetori i shpalljes së pavarësisë së Kosovës është një ditë e shënuar për mbarë kombin shqiptar dhe një shembull që tregon se shqiptarët janë kontribuues aktivë për paqen dhe sigurinë në rajon e më gjerë.

Begaj gjithashtu shprehet se Shqipërisë do jetë gjithnjë në krahë të Kosovës:

“Shqipëria do jetë gjithmonë krah Kosovës, në çdo hap të saj, për përballimin e çdo kërcënimi apo sfide, si dhe për anëtarësimet e reja në organizata ndërkombëtare dhe rajonale”,-shkruan Begaj.

LEXONI GJITHASHTU:

• Steinmeier uron Kosovën: Gjermania do të mbetet partner i besueshëm i juaji
• Presidenti Macron letër Osmanit për 16-vjetorin e Pavarësisë së Kosovës