Presidenti Begaj në Delvinë, takim me kryebashkiaken e qytetit

Presidenti i Republikës, Bajram Begaj kreu sot një seri takimesh në Delvinë ku u takua me përfaqësues të pushtetit lokal dhe të biznesit.

Gjatë takimit me Kryetaren e Bashkisë së Delvinës, Majlinda Qilimi, Begaj u ndal tek sfidat dhe problematikat që ka qyteti i Delvinës.

“Delvina është një qytet me vlera në historinë e Shqipërisë, me vlera në kulturën shqiptare dhe vizita ime sot është shenjë e rëndësisë që ka ky qytet dhe kjo bashki. Me kryetaren diskutuam rreth çështjeve që e shqetësojnë më shumë komunitetin e Delvinës, bashkisë së saj.

Është e rëndësishme që çdonjëri nga ne që ka një detyrë publike duhet të dëgjojë qytetarin, të kujdeset për shqetësimet që ata kanë dhe të ndikojë në mirëqënien e jetës së qytetarit,” theksoi ai.

Kreui Shtetit vizitoi gjithashtu dhe Muzeun e Historisë dhe Etnografisë të Delvinës.

LEXONI GJITHASHTU

• Berisha: Yuri Kim keqinformoi DASH-in, Dvorani është një xhelat
• Shembja e pallatit te “Myslim Keta”, Berisha: Veliaj po nxit përplasjen me qytetarët
• IKMT aksion te rruga “Myslim Keta”, shemb pallatin e dëmtuar nga tërmeti