Shembja e pallatit te “Myslim Keta”, Berisha: Veliaj po nxit përplasjen me qytetarët

Kryetari i Partisë Demokratike, Sali Berisha ka paralajmëruar kryebashkiakun e Tiranës, Erion Veliajn në lidhje me shembjen e pallatit nr.4 në  rrugën “Myslim Keta” në kryeqytet, për të cilën bashkia thotë se është e pabanueshme për shkak të tërmetit të 26 nëntorit 2019.

Gjatë fjalës së tij në mbledhjen e Grupit Parlamentar të Partisë Demokratike, Berisha u shpreh se me këtë akt, Veliaj po nxit përplasjen me qytetarët.

“Ndaj dhe unë, paralajmëroj Erion Veliajn se me këtë akt ai po nxit me të gjithë forcën, përplasjen me qytetarët. Ai është një kukull e Edi Ramës, por do përgjigjet për këtë akt. Paralajmëroj ndërtuesin që të mos bëhet mashë. Hiq dorë nga ai projekt.

Populli opozitar nuk do e pranojë kurrë atë projekt. Populli opozitar do bëjë gjithçka për zbatimin e drejtë të vendimit të Kushtetueses”, theksoi kryedemokrati.

LEXONI GJITHASHTU

• IKMT aksion te rruga “Myslim Keta”, shemb pallatin e dëmtuar nga tërmeti
• Dëshmitarët okularë tregojnë momentet e ekzekutimit të dy shqiptarëve në Athinë
• Korrupsioni i zyrtarëve, Prençi: SPAK nuk po shfrytëzon raportet e KLSH-së