Presidenti i Azerbajxhanit: Do investojmë për rrjetin e shpërndarjes në Shqipëri

“Jemi në fazën e negociatave të investimeve në rrjetin e shpërndarjes së gazit në Shqipëri,”- tha Presidenti i Azerbajxhanit Ilham Aliyev teksa foli në konferencën e 4-të ndërkombëtare me temë “Formimi i Gjeopolitikës së Euroazisë së Madhe: nga e kaluara në të tashmen në të ardhmen” organizuar nga Universiteti ADA për të shënuar 100 vjetorin e Liderit Kombëtar Heydar Aliyev në Shusha.

“Shqipëria është transitore, por nuk ka rrjet të shpërndarjes së gazit. Ne po planifikojmë të investojmë një shumë të konsiderueshme parash për të krijuar këtë rrjet të shpërndarjes. Unë isha në Sofje vetëm disa ditë më parë për të marrë pjesë në inaugurimin e Unazës së Solidaritetit.

Sllovakia po i bashkohet projektit. Pra, nëse tani eksportojmë në gjashtë vende, brenda një viti nëse gjithçka shkon sipas planeve, pa ndonjë përpjekje të madhe, mund të jetë 10. Dhe ky nuk është fundi”,-theksoi kreu i shtetit të Azerbajzxhanit.

LEXONI GJITHASHTU:

• A do e humbasë Erdogan pushtetin? Eksperti: Ja çfarë pritet të ndodh në 14 maj
• Escobar për Asocacionin: Pak përparim në Bruksel, duhet një propozim i pranueshëm