Presidenti i Kenias qëllohet me këpucë gjatë fjalimit

Presidentit kenian William Ruto iu hodh një këpucë gjatë një fjalimi në një tubim publik, të cilën ai e shmangu me dorë, sipas videove të postuara në mediat sociale.

“Ne thamë se po ulnim çmimin e plehrave, e vërtetë apo e gabuar?” tha Ëilliam Ruto në një tubim në Qarkun Migori në perëndim të vendit, ndërsa mbrohej me dorë nga një këpucë e hedhur, duke ngritur një re të vogël pluhuri, raporton Reuters.

Ministri i Brendshëm i Kenias, Kipchumba Murkomen, tha se policia kishte arrestuar tre persona, raportoi gazeta The Star.

William Ruto u detyrua të hiqte dorë nga rritja e taksave dhe të ftonte anëtarë të opozitës në qeveri, por pakënaqësia në kombin e Afrikës Lindore mbetet e lartë, tha agjencia.

LEXONI GJITHASHTU:

• Vritet në atentat deputeti kenian, paralajmëroi vdekjen e tij pas kërcënimeve
• Vrau dhe copëtoi 42 gra, i dyshuari arratiset nga burgu i Kenias