Presidenti i ri, Mediu: Opozita ndoqi lojën e PS-së

Koncepti opozitës për të ndërtuar kompromis me mazhorancën dhe jo raporte politike me opinionin publik është gabim.

Kështu tha kryetari i Partisë Republikane Fatmir Mediu në “Now” me Erla Mëhillin. Ai e cilësoi problem faktin që opozita nuk dha asnjë emër, sepse rezulton që ata të mos kenë figura brenda partisë.

Përgjegjësia për mos votimin e emrave të propozuar nga opozita duhet t’i ngelej Ramës, sipas Mediut i  cili tha se kjo nuk justifikon faktin që nuk u propozua asnjë emër.

“Ajo çka tregoi qartë opozita në të metën e saj është se nuk di të vlerësojë vetveten as politikisht, as në raport me shoqërinë, për fatin e keq dhe qasjen e ka pak të gabuar për gjykimin tim kur mendon do të ma japi apo s’do të ma japi Edi Rama,” – u shpreh Mediu.

Ai tha se opozita duhet të ndërtojë autoritetin e vet dhe me mospërfshirjen në procesin e zgjedhjes së presidentit nuk e krijoi një të tillë.

LEXONI GJITHASHTU:

• Moisiu, takimi i parë i presidentit Begaj