Presidenti i Ukrainës refuzon ofertën e SHBA për t’u evakuar nga vendi

Presidenti ukrainas, Volodymyr Zelensky hodhi poshtë një ofertë të Uashingtonit për ta ndihmuar në evakuimin e tij nga Ukraina, thonë mediat amerikane.

“Lufta është këtu. Unë kam nevojë për municion, jo për një udhëtim”, raportoi Associated Press, duke cituar Zelensky.

Zelensky është vlerësuar gjerësisht në mediat sociale për reagimin e tij ndaj pushtimit rus. Ish-aktori i humorit mbajti më herët një fjalim emocionues në të cilin u zotua se do të vazhdojë të luftojë, duke thënë: “Kur të na sulmoni do të shihni fytyrat tona, jo shpinën”.

Një natë më parë, ai postoi një video-selfie nga Kievi bashkë me ndihmësit e tij kryesorë në kryeqytet, duke hedhur poshtë raportet se ai kishte ikur nga Kievi.

“Ne jemi të gjithë këtu. Dhe do të qëndrojmë kështu”, thotë Zelensky.

LEXONI GJITHASHTU:

• Zelenskyi: Kjo natë do të jetë e vështirë për Kievin
• Zelensky apel Putinit për dialog