Presidenti mbledh ambasadorët, Begaj: Kosova realitet i pakthyeshëm 

Presidenti Bajram Begaj ka pritur në një ceremoni në Pallatin e Brigadave Trupën Diplomatike me ambasadorët e akredituar në Tiranë.

Kreu i shtetit theksoi rëndësinë e mbështetjes së Ballkanit Perëndimor nga Bashkimi Evropian përmes krijimit të mekanizmave që mundësojnë jo vetëm linjëzim politik, por edhe përparim ekonomik dhe lehtësira për jetën e përditshme të qytetarëve.

“Për shqiptarët në rajon, anëtarësimi në BE është çështje e interesit kombëtar” deklaroi Presidenti Begaj duke shtuar se  faktori shqiptar ka kontribuar dhe do të vijojë të kontribuojë në paqen dhe sigurinë e rajonit.

Për Kosovën, Presidenti Begaj, bëri thirrje për njohjen ndërkombëtare nga ato shtete që nuk e kanë ndërmarrë këtë akt dhe dhënien fund të status-quo-së në mënyrë që të shmangen situata si sulmi i shtatorit 2023 në Banjskë që mund të sjellin  pasoja të rënda për rajonin dhe Evropën . Ai përshëndeti liberalizimin e vizave për qytetarët e Kosovës dhe përsëriti qëndrimin për integrimin e saj euro-atlantik.

LEXONI GJITHASHTU:

• Qytetarët e Kosovës pa viza në Europë, Begaj: Arritje e merituar, por e vonuar!
• Begaj uron kryebashkiaken e parë shqiptare në SHBA