Presidentja Osmani voton në Prishtinë: Institucionet do mbrojnë të drejtën e votës

Presidentja e Kosovës, Vjosa Osmani, votoi pak pas orës 10:00 në Fakultetin Teknik në Prishtinë.

Pas hedhjes së votës, ajo e cilësoi këtë ditë si shumë të rëndësishme për demokracinë e vendit.

“Sa më e madhe pjesëmarrja dhe sa më i rregullt procesi, aq më e fortë është demokracia jonë. Pres që ky të jetë një proces me rezultate në të mirë të qytetarëve tanë”,
– tha Osmani, duke i ftuar qytetarët që të ushtrojnë të drejtën e tyre për votë.

Ajo theksoi gjithashtu se institucionet e Kosovës do të bëjnë gjithçka për të garantuar të drejtën e votës për të gjithë qytetarët, duke përsëritur se Serbia ka tentuar vazhdimisht të ndërhyjë në proceset zgjedhore në Kosovë.

LEXONI GJITHASHTU:

• Prokuroria e Shtetit angazhon 100 prokurorë për mbarëvajtjen e zgjedhjeve në Kosovë
• Kurti akuzon Serbinë se po ndërhyn në zgjedhjet lokale në Kosovë