Prezantohen fituesit e PS në qarkun e Durrësit

Ardian Çela, drejtues politik i PS në qarkun e Durrësit prezantoi nga selia e PS fituesit e bashkive që u fituan nga PS në këtë qark, bashkinë Durrës, Krujë dhe Vorë.

Çela tha se rikonfirmimi për tre kryetarët aktualë në 3 bashkitë e këtij qarku është detyrim për të realizuar ato projekte që janë madhore edhe në nivel kombëtar,

“PS në qarkun e Durrësit rikonfirmohet jo vetëm në tre bashki por forcë e parë me rezultat shumë bindës ashtu si në zgjedhjet e 2017, 2021 dhe këto të fundit. Ky është një falenderim për të gjithë qytetarët e qarkut për besimin që i dhanë PS dhe të tre kryetarëve për punën e mirë që kanë bërë në këtë mandat ku ndryshe nga të tjerë, janë përballur me një vështirësi të madhe që ka qenë tërmeti. Qytetarët e shpërblyen me një votë. Kjo votë është detyrim për të tre kryetarët, për PS dhe qeverinë për të realizuar ato projekte që janë madhore në nivel kombëtar për qytetin e Durrësit, Shijakut dhe Krujës. Për ta kthyer Durrësin në qendrën më të rëndësishme të Ballkanit”, tha ai.

LEXONI GJITHASHTU:

• Mbyllet procesi i numërimit në Durrës, shpallet fituesi
• Thellohet diferenca në Kavajë, ‘Bashkë Fitojmë’ shpall fitoren