Prezantohet asistenti virtual i e-Albania, Mirlinda Karçanaj shpjegon funksionon

Mirlinda Karçanaj drejtorja e Agjencisë Kombëtare të Shoqërisë së Informacionit ishte këtë të enjte në prezantimin e asistentit virtual të e-Albania.

Ajo tha se asistenti virtual nuk është vetëm një program kompjuterik, por është një ndihmës që nuk fle, nuk ka pushime dhe as orar zyrtar por do jetë në shërbim të qytetarëve në çdo kohë.

Karçanaj tha se qytetarët që do e përdorin asistentin virtual do kenë në dispozicion një numër të caktuar pyetjesh. Pas tyre ata mund të rikthehen sërish për pyetje të tjera pas 60 minutash.

“Është e pabesueshme që jemi në këtë fazë shumë të rëndësishme, Sot prezantojmë asistentin virtual të e-Albania. Falë bashkëpunimit me gjigantin botëror të teknologjisë Microsoft, nga sot ne nisim përdorimin e teknologjisë e cila do t’ju mundësojë përgjigje të shpejta dhe shumë të qarta. Ky asistent nuk është thjesht një program kompjuterik. Është udhërrëfyesi juaj dhe ndihmësi në dispozicionin tuaj 24/7.

Asisteti virtual nuk fle, nuk ka ditë pushimi, as orar zyrtar. Ju mund ta pyesni nga kompjuteri apo nga telefoni juaj në çdo kohë dhe ai do ju përgjigjet menjëherë. Është e pritshme që kurioziteti i të gjithëve në ditët e para të jetë në rritje. Ne kemi bërë të mundur që çdo qytetar të ketë në dispozicion një numër të caktuar pyetjesh dhe më pas të mund të rikthehet pas 60 minutash.

Pyetjet do të na ndihmojnë që ta bëjmë më të zgjuar asistentin virtual dhe ne do kuptojmë problemet dhe shqetësimet tuaja”,-tha Karçanaj.

LEXONI GJITHASHTU:

• Rama prezanton asistentin virtual të e-Albania: Në 2024 do të jetë me zë e figurë
• “Presim lajme të mira”- Hasani flet për integrimin dhe marrëveshjen e emigrantëve