Prezantohet topi i botërorit ‘Katar 2022’, nesër hidhet shorti

Rikardo Kaka dhe Iker Kasijas prezantuan nw Doha topin që do të përdoret në Kampionatin Botëror të Futbollit ‘Katar 2022’.

Topi është quajtur ‘Al Rihla’ që në gjuhën arabe përkthehet ‘Udhëtimi’.

Për krijimin e topit, disenjatorët janë frymëzuar nga kultura, arkitektura dhe flamuri i Katarit.

Në botërorin që do të luhet në datat 21 nëntor – 18 dhjetor 2022, do të marrin pjesë 32 ekipe.

Mbeten për t’u caktuar dhe 3 ekipe nga play-off për të plotësuar të gjithë pjesëmarrësit.

Shorti për ndarjen e grupeve do të hidhet më 1 prill.