Prishtina po shkel rëndë Marrëveshjen e Brukselit, pretendon Vuçiç

Presidenti i Serbisë, Aleksandër Vuçiç ka zhvilluar një bisedë telefonike pasditen e së hënës me Sekretarin e Përgjithshëm të NATO-s, Jens Stoltenberg.

Vuçiç i ka thënë Stoltenberg, se Prishtina po shkel rëndë Marrëveshjen e Brukselit, që është firmosur në vitin 2013, shkruan RTS (Radio Televizioni Serb).

Ai shtoi se, pavarësisht kësaj, Serbia përpiqet të ruajë paqen dhe stabilitetin dhe do të mbetet e përkushtuar ndaj saj.

Ndërsa, Stoltenberg i ka bërë thirrje Vuçiçit, por edhe kryeministrit të Kosovës, Albin Kurti, me të cilin pati gjithashtu një bisedë telefonik, që të përmbahen nga përshkallëzimet lidhur me situatën në veri.

Në Mitrovicën e Veriut, të dielën, është mbajtur një protestë  e thirrur nga Lista Serbe për shkak të vendimit të Prishtinës për riregjistrimin e makinave me targa serbe në targat RKS, Republika e Kosovës.

Kjo protestë është mbajtur një ditë pas vendimit të Listës Serbe për largim nga të gjitha institucionet e Kosovës.

LEXONI GJITHASHTU

• Ka indicie për elementë rusë në veri të Kosovës, thotë ministri Sveçla
• Situata në Veri, Kurti fton liderët e opozitës në takim
• Çfarë i kërkon kreu i NATO-s Vuçiç dhe Kurtit