Probleme me dosjet, ILD kërkon ulje page për 2 gjyqtarë, 16 të tjerë nën hetim

Gjyqtari i Vlorës, Hektor Sinani dhe gjyqtarja e Elbasanit, Pajtime Fetahu zvarritën zbardhjen e vendimeve dhe shkelën etikën duke komunikuar me palët.

Kanë qenë këto konkluzionet e hetimit administrativ të Inspektorit të Lartë të Drejtësisë , i cili ka propozuar uljen e pagës me 40% për një vit për gjyqtarët me probleme sa i takon dosjeve.

Kërkesa tashmë është depozituar në Këshillin e Lartë Gjyqësor ku më 16 shtator do të paraqiten edhe gjyqtarët Sinani e Fetahu të vënë në ‘lupën’ e Artur Metanit.

Hetimi për ta ishte në limitet e afatit 5-vjeçar, pasi ishte nisur nga institucionet e vjetra që kishin kompetencë procedimin disiplinor të magjistratëve. Ndërkohë, për 16 gjyqtarë e prokurorë të tjerë ILD vijon hetimet mbi problematika që lidhen me  lirimet para kohe me kusht, zvarritje të procedurave të hetimit e proceseve gjyqësore, si dhe shkelje të rënda etike.

Në total deri më tani pranë ILD janë administruar rreth 4 mijë ankesa nga qytetarë, institucione apo praktika të trashëguara, ndërsa vetëm rreth 1200 kanë arritur të shqyrtohen.

LEXONI GJITHASHTU:

• Artur Metani raporton në Kuvend: Mbi 3 mijë dosje për t’u shqyrtuar në ILD
• ONM-ja kundër konfirmimit në detyrë të gjyqtarit Gerd Hoxha