Problemet kardiake të fëmijët, diagnostikohen 7 raste në 1 mijë lindje

7 deri në 8 fëmijë në 1000 lindje në Shqipëri diagnostikohen me defekte të lindura të zemrës.

Këto statistika, ndonëse të përafërta me ato të Bashkimit Europian, janë tejet shqetësuese për faktin se numri i lindjeve në vendin tonë po tkurret nga viti në vit referuar të dhënave të Instat.

Mjekët kardiopediatër ndërsa citojnë statistikat, listojnë edhe llojet e defekteve që më së shumti predominojnë tek ky target grup.

Por në cilin stad diagnostikohen këto defekte të sistemit kardiak?

Ndërkohë simptomat duket se janë të përgjithshme që mund të bëjnë konfuzë edhe vetë mjekët.

Nga ana tjetër, ka edhe nga ata prindër që për shkaqe të ndryshme shmangin ekon e kontrollit të fëmijës duke shtyrë kështu edhe kurimin në kohë të defektit.

Ekoja morfologjike që në shtatzëni mund të tregojë defekte të dukshme të zemrës tek fëmija, ndërkohë apeli i bluzave të bardha shkon për vizitat periodike tek mjeku i konsultores.

LEXONI GJITHASHTU

• Vdes nga problemet kardiake futbollisti i njohur i Skënderbeut të viteve 1975-1985
• 1.100 urgjenca në ditë, Brataj: 10% prej vapës, mbizotërojnë problemet kardiake