Procedimi i 4 zyrtarëve në Korçë, shkelje në lejet e ndërtimit për 20 subjekte

Dalin detaje të reja nga procedimi i dy drejtorëve dhe dy specialistëve në bashkinë e Korçës, të cilët janë akuzuar nga prokuroria e Korçës për shpërdorim detyre duke i shkaktuar një dëm ekonomik arkës së shtetit prej 30 milion lekësh.

Burime të siguruara pranë grupit të hetimit thanë se janë gjetur shkelje në procedurën e lejeve të ndërtimit për 20 subjekte. Sipas të njëjtit burim të proceduarit nga ana e prokurorisë, për qëllime përfitimi personal i kanë dhënë leje ndërtimi objekteve të deklaruara, leje që kanë qenë për shtëpi banimi ndërkohë që këto subjekte janë shfrytëzuar për tregti.

Taksat e ndikimit në infrastrukturë për objektet e banimit është 3% e vlerës së investimit ndërkohë që për objektet e shërbimit dhe tregëtisë kjo taksë është 8% e vlerës së investimit

Hetimi ndaj 4 punojësve të bashkisë së Korçës mësohet se ka filluar me indicie nga organet ligj zbatuese.

Gjykata e Korçës ka njohur të 4-t të proceduarit me masat e sigurisë “Detyrim Paraqitjeje” si dhe pezullim nga funksionet që mbanin.

LEXONI GJITHASHTU:

• Pezullohen nga detyra 4 zyrtarë të Bashkisë Korçë
• Garat me kuaj me pengesa/ Organizohet eventi i hipizmit në Korçë