Procedohen penalisht dy persona për zjarrvënie të qëllimshme në Gjirokastër

Policia e Tepelenës ka identifikuar dhe ka proceduar penalisht 2 shtetas të dyshuar për zjarrvënie në sipërfaqe toke.

Përmes një komunikate për mediat, policia bën me dije se në bazë tëë veprimeve hetimore u bë zbardhja e dy rasteve të zjarrvënieve në fshatrat Salari dhe Luzat.

Për këto raste, u referuan materialet në Prokurori dhe nisi procedimi penal për shtetasit G. Zh., 59 vjeç, banues fshatin Salari dhe V. G., 63 vjeç, banues në Tepelenë.

-Shtetasi G. Zh. dyshohet se ka ndezur zjarr në vendin e quajtur “Golash”, Salari, me qëllim pastrimin e tokës së marrë me qira, dhe si pasojë e përhapjes së flakëve është djegur një sipërfaqe toke me bimësi të ndryshme.

-Shtetasi V. G. dyshohet se në vendin e quajtur “Pallçija”, në fshatin Bënçë, ka ndezur zjarr me qëllim pastrimin e kullotës, dhe si pasojë e përhapjes së flakëve është djegur një sipërfaqe toke me bimësi të ndryshme, në fshatin Luzat.

Materialet procedurale i kaluan Prokurorisë, për veprën penale “Shkatërrimi me zjarr i pyjeve dhe i mjedisit pyjor”.

EXONI GJITHASHTU:

• Shkaktoi zjarrin ku u dogjën 1000 ullinj, arrestohet 38-vjeçari (Emri)
• Arrestohet për zjarrvënie 64-vjeçari në Shkodër, ja dëmi që shkaktoi