Procesi i Bolonjës, ekspertët e arsimit nga vende të rajonit mblidhen në diskutime

Ekspertë të reformave të arsimit të lartë, studentë, dhe akademikë nga Shqipëria dhe vende të rajonit janë mbledhur së bashku në Tiranë për të diskutuar në kuadër të procesit të Bolonjës mundësitë për ta çuar përpara në nivel kombëtarë, rajonal dhe në zonën Evropiane të arsimit të lartë.

“Synojmë të mbledhim bashkë disa vende të rajonit si Kosova, Mali i Zi , për të diskutuar sfidat e arsimit të lartë, si ti përballojmë dhe shkojmë përpara në kuadër të internacionalizimit, është një nga eventet që po hap një periudhë të re për të promovuar dhe çuar përpara procesin e Bolonjës”,-tha Linda Pustina, eksperte e arsimit të lartë.

Ky aktivitet i cili synon rritje e informacionit në kuadër të procesit të Bolonjës, vjen menjëherë pas mbledhjes së task-forcës  për rritjen e ndarjes së njohurive në komunitetin e zonës evropiane të arsimit të lartë, në të cilin u diskua statusi aktual i zbatimit të plan veprimit të grupit dhe hapat e mëtejshme.

 “Shqipëria nga vitin 2021 deri në 2024 mban sekretariatin e procesit të Bolonjës dhe drejtimin e saj për mes pozicionit të “vice chair” dhe në këtë kontekst do të zhvillohet edhe konferenca ministrore e gjithë ministrave të arsimit  të 49 vende pjesëmarrëse në hapësirën evropiane të arsimit të lartë në maj 2024 së bashku me forumin e politikave globale që do të mbledhë ministrat e arsimit të vende të tjerë nga e gjithë bota në Tiranë”, tha Linda Pustina, eksperte e arsimit të lartë.

Deri në  maj të 2024 parashikon që zhvillohen një sërë aktivitetesh me përfshirjen e komunitetit të arsimi të lartë.

LEXONI GJITHASHTU:

• Debate te Siguria për Kosovën dhe gjendjen e ushtrisë shqiptare, përplasen deputetët
• U zunë për ullinjtë, si ndodhi sherri mes 3 vëllezërve dhe 29-vjeçarit të plagosur