Prodhimet shqiptare refuzohen në kufi, BE kthen në kufi 57% të mallit

Një pjesë e prodhimet bujqësore shqiptare nuk shiten jashtë vendit për shkak të cilësisë së tyre. Por që tregu të zgjerohet, fermerët do të ndihmohen të rrisin standardet në tokat e tyre.

Prodhuesit shqiptarë përballen me refuzimin e produkteve bujqësore në kufi, për shkak të mungesës së cilësisë dhe standardeve. Gjatë dekadës së fundit, më shumë se gjysma e refuzimeve erdhi nga tregu i BE-së dhe pjesa tjetër nga Kina e SHBA. Por, që tregu të hapet, po  merren masat që prodhimet të kenë standard.

 “Ne mbështesim ekonominë e Shqipërisë dhe është thelbësore për ajo që të zhvillojë dhe të ruajë një infrastrukturë cilësore, duke forcuar edhe besimin mes biznesit dhe konsumatorit”, Ruth Huber, Ambasadore e Zvicrës në Shqipëri

Eksportet bujqësore kushtuan 550 mln euro në vitin 2023, dhe objektivi që ato të arrijnë 1 mld euro në 2030 cenohet nga refuzimet në kufi.

 “Në Shqipëri, refuzimet e tregut kanë qenë një pengesë, dhe është e rëndësishme të trajtojmë produktet me forcimin e cilësisë dhe harmonizimin e tregut me Bashkimin Europian”, Dorina Nati, Menaxhere Programi, GQSP

Forumi Kombëtar mbi Cilësinë dhe Standardet i organizuar nga Organizata e Kombeve të Bashkuara për Zhvillim Industrial, trajtoi edhe mundësitë që kanë prodhuesit e vegjël dhe të mesëm në vend që të rrisin cilësinë e standardet.

LEXONI GJITHASHTU:

• Kosova heq kufizimin ndaj mallrave serbe, BE shpreson për zhbllokimin e CEFTA-s
• Plani i masave për shkollën, ja në cilën orë do të qarkullojnë furgonët e mallrave