Profesori i kimisë tregon rastet kur filtri më shumë e ndot ujin sesa e pastron

Profesori i kimisë Sokol Abazi tha se filtri i ujit që përdoret si zgjidhje për të pastruar ujin dhe për ta pirë atë ndonjëherë më shumë e ndot.

Ai shpjegoi për “SOT” në Euronews Albania se filtrat e ujit kanë membrana që ndoten nëse nuk përdoren vazhdimisht dhe për familjarët që shkojnë në shtëpi vetëm në mbrëmje përdorimi i tyre nuk është zgjidhje.

Ndërkohë sa i takon ujit që del drejtpërdrejt nga çezma, Abazi tha se nuk mund të pihet.

“Për fat të keq uji i Tiranës, ka që në vitin 2016 që ka dalë një VKM 379 e cila detyron analizën e 71 parametrave dhe deri në dhjetor të vitit të kaluar asnjëherë këto parametra nuk janë analizuar,” – u shpreh profesori.

Jo vetëm uji i ambalazhuar, por çdo ujë që përdoret në produktet që shiten duhet analizuar sipas kësaj VKM-je.

Sa i përket ujit që futet në ushqime, Abazi tha se është detyrim i ministrisë së Bujqësisë për ta kontrolluar.

Ai tha se uji nuk është helmues sepse nuk ka substanca toksike, por në afatgjatë sëmundjet që mund të shkaktohen nga përdorimi i ujit të ndotur janë të rënda.

LEXONI GJITHASHTU:

• Ndotja e ajrit në botë, Ballkani dhe Evropa Qendrore më të prekurat