PROFIL l Kush është kandidati për President i shumicës socialiste

Bajram Begaj është kandidati që Partia Socialiste do të propozojë në Kuvend për t’u zgjedhur Presidenti i ri i Shqipërisë.

Begaj, i cili ka një karrierë më shumë se 30 vjeçare në Forcat e Armatosura të Shqipërisë, prej vitit 2020 shërben në rolin e Shefit të Shtabit të Përgjithshëm të Forcave të Armatosura.

Më parë ai ka shërbyer në disa poste të rëndësishme si Komandant i Komandës së Stërvitjes dhe Doktrinës, Shef i Njësisë Mjekësore Ushtarake, Drejtor i Inspektoratit Shëndetësor, Kryeinspektor, dhe Këshilltar i Inspektoratit Shëndetësor në Shtabin e Përgjithshëm të Forcave të Armatosura Shqiptare.

Studimet e larta i ka kryer për mjekësi të përgjithshme në ’89-ën, fushë në të cilën ka marrë edhe doktoraturën.

Begaj është graduar si “general Major” nga presidenti aktual Ilir Meta, duke hyrë në historinë e Forcave të Armatosura si mjeku I parë në ushtri që merr gradën më të lartë.

Ai ka lindur në 20 mars të vitit 1967 në Rrogozhinë. Begaj është i martuar dhe ka dy djem.

LEXONI GJITHASHTU:

• Rama bën publik emrin e kandidatit për President