Programi i PS-së për arsimin, Rama: Universitetet do të kenë standarde si ato jashtë vendit

Kryeministri, Edi Rama në një deklaratë për shtyp u shpreh se reforma e arsimit të lartë, mbyllja e universiteteve piramidë dhe akreditimi ndërkombëtar i universiteteve jep mundësinë për të aspiruar për më lartë.

“Aspirata ime për më lartë është që ne të sjellim universitete të huaja publike në Shqipëri dhe t’i bashkojmë me universitetet tona, jo binjakëzime nga ato klasiket për shkëmbime eksperiencash por si energji akademike dhe si energji stafesh, në mënyrë që të gjithë të kenë dy zgjedhje, të qëndrojnë këtu apo të ikin jashtë,” – u shpreh Rama.

Ai theksoi se të gjithë universitetet në Shqipëri do të kenë standardet e universiteteve të huaja pa pasur nevojë që studentët të largohen nga familja ndërsa përmendi se në këtë mënyrë do të ulet dhe kostoja për prindërit.

Ai u shpreh se ardhja e Universitetit Teknik të Stambollit në Shqipëri është plan konkret, që po vihet në zbatim.

LEXONI GJITHASHTU: 

• Edi Rama: Do të binjakëzojmë universitetet shqiptare me ato evropiane
• Rama në mbylljen e fushatës në Tiranë: Ata janë rruga e së shkuarës, PS është e ardhmja
• Kryeministri Rama tregon objektivat për Vlorën dhe Durrësin dhe ku do të jetë deputet