Ambasadorja e Bashkimit Europian në Tiranë, Christiane Hohmann deklaroi se sipas progres-raportit të KE-së për Shqipërinë, shqetësim mbetet liria e medias dhe frikësimi e baltosja e gazetarëve.
Në një konferencë të përbashkët për shtyp me zëvendës kryeministren Belinda Balluku, Hohmann u shpreh se pavarësia e medias vijon të pengohet nga interesat e bizneseve dhe politikës.
“Në raport thuhet se pavarësia e medias dhe cilësia e gazetarisë vazhdojnë të pengohen nga një gërshetim interesash biznesi dhe politike, dhe se keqinformimi është një shqetësim që rishfaqet. Raporti shpreh keqardhje të thellë që atmosfera e sulmeve me fjalë, e fushatave të baltosjes dhe akteve të frikësimit të gazetarëve nuk është përmirësuar; dhe do të vijojmë ta ndjekim këtë çështje nga afër.
Në raport bëhet thirrje për përpjekje më të forta për konsolidimin e të drejtave të pronësisë me anën e regjistrimit dhe digjitalizimit të të dhënave kadastrale”, theksoi ambasadorja Hohmann.
LEXONI GJITHASHTU
- Balluku: Progres-raporti i KE-së për amnistinë fiskale, vlerësim hipotetik
- Rama: Përfaqësues të KiE nuk erdhën në darkën e organizuar nga delegacioni shqiptar
- Rama-KiE-së: Rrëzoni akuzat ndaj Kosovës, pranoni propozimin tonë për rihetim
