Projekti për Portin e Durrësit, Spahiu: Qeveritë e mëparshme nuk gjetën investitorë

Deputetja e PS Klodiana Spahiu është shprehur se projekti i Portit të Durrësit do të jetë një zgjidhje për t’i dhënë fund ndotjes që i është bërë qytetit nga porti aktual.

I ftuar në emisionin ‘Now’ në Euronews Albania, Spahiu theksoi se dhe qeveritë e mëparshme kanë kërkuar investitorë për të bërë një projekt në Portin e Durrësit por nuk ia kanë dalur.

Më tej ajo tha se projekti është një përfitim shumë i madh për vendin.

“E kemi menduar se ndotja që i sjellë qytetit vendosja e një porti në nivelin që është aktualisht duhej menduar një zgjidhje. Është menduar prej shumë kohësh se çfarë mund të bëhet për të ia pakësuar  ndotjen këtij qyteti të shkaktuar pa dyshim nga porti tregtar që është aktualisht aty.

Ne patëm fatin e madh që të ofrohet një investitor për të realizuar këtë projekt. Qeveritë  e mëparshme kanë kërkuar investitorë për një projekt ndoshta më modest se sa projekti që po bëhet sot. Ky projekt është menduar që në 2020. Është një përfitim shumë i madh. Për t’u arritur kjo marrëveshje është insistuar shumë që të arrihet.”- tha ajo.

LEXONI GJITHASHTU: 

• Adrtiatik Lapaj: Qytetarët nuk ndihen të përfaqësuar, ndaj besojnë te ndërkombëtarët
• “Me stërgjyshin tim”, si u kritikua aktorja që postoi foto me statujën e Skëndërbeut