Drejtues i Qendrës Shqiptare për Studime Strategjike, Geri Selenica e konsideron një fat të jashtëzakonshëm për Shqipërinë, projektin për Portin e ri të Durrësit.
Në emisionin “Review” në Euronews Albania, Selenica u shpreh se Mohamed Alabbar, kreu i kompanisë “Eagle Hills” që do të kryejë investimin, do të sjellë në Durrës, vizionin që ka pasur për Dubain.
“Ne merremi me studimet stategjike. Kemi bërë studime shumë serioze. Zhvillimet bregdetare janë potenciali më i madh i ekonomisë shqiptarë, ato mund të gjenerojnë rreth 100 miliardë euro në vit. Për Shqipërinë është një fat i jashtëzakonshëm. Dubai është një nga vendet që më ka çuditur që kur kam shkuar para 20 vitesh.
Personi që e ka bërë këtë, është zoti Alabbar që ka pasur vizionin. Ky është një koncept qyteti modern, që vetëm Singapori e ka. Të njëtin koncept, ai do ta sjellë në Durrës”, theksoi ai.
Pas një seance maratonë që vazhdoi deri në orët e para të mëngjesit të së enjtes, Kuvendi i Shqipërisë miratoi me 76 pro dhe 35 kundër, projektligjin për Portin e Durrësit, duke i hapur kështu rrugë transformimit të saj në një qendër urbane me port jahtesh.
LEXONI GJITHASHTU
- Alabbar jep detaje: Javën e ardhshme publikojmë projektin për apartamentet në Durrës
- Ekskluzive | Mohamed Alabbar u përgjigjet kritikëve për Portin e Durrësit
