Prokuroria e Kosovës nis hetimet për dhunën në Kuvend

Prokuroria Themelore në Prishtinë ka nisur hetimet pas incidentit të sotëm që ndodhi në Kuvendin e Kosovës.

Këtë e bënë të ditur nga vetë Prokuroria përmes një komunikate ku thuhet se janë ndërmarrë të gjitha veprimet e nevojshme hetimore, mes tyre edhe marrja e deklaratave nga palët e përfshira në këtë rast.

“Prokuroria Themelore në Prishtinë, njofton opinionin publik se Prokurori i Shtetit ka iniciuar hetime në drejtim të veprës penale ‘Sulmi’, sipas KPRK-së, lidhur me incidentin i cili ka ndodhur gjatë ditës së sotme në Kuvendin e Kosovës, si dhe ka autorizuar Policinë në ndërmarrjen e të gjitha veprimeve të nevojshme hetimore, përfshirë po ashtu marrjen e deklaratave të palëve të përfshira në këtë rast”, thuhet në njoftimin e Prokurorisë Themelore të Prishtinës.

LEXONI GJITHASHTU:

• Tensionohet sërish situata në Kuvendin e Kosovës, ndërhyn sigurimi
• Dhuna në Kuvendin e Kosovës, reagon ambasadori i SHBA: E papranueshme