Gjatë vitit 2021, asnjë prokuror nuk është emëruar në sistemin e drejtësisë. Gazetari i “Euronews Albania”, Xhevahir Zhabina thotë se shkak për këtë situatë, është bërë mungesa e vitit të tretë të magjistraturës, nga ku dalin prokurorët dhe gjyqtarët e rinj.
Sipas tij, duhet të ishte Këshilli i Lartë i Prokurorisë që duhej ta parashikonte diçka të tillë, pasi është ajo që bën politikat rreth prokurorisë në Shqipëri.
Gjatë vitit 2021, nga sistemi i drejtësisë janë larguar 33 prokurorë pasi nuk kanë kaluar proçesin e vettingut, çka e bën situatën akoma më të vështirë.
Zhabina u shpreh se në vitin 2019, KLP ka arritur të emërojë 10 prokurorë, ndërsa në vitin 2020 vetëm dy prokurorë. Në total janë emëruar 12 prokurorë të rinj, teksa në vitin 2021 ka 33 prokurorë të larguar.
Në 4 vite, nga vitin 2018 deri në 2022, janë 71 prokurorë të shkarkuar, 21 prokurorë të dorëhequr dhe 11 të dalë në pension. 104 prokurorë i mungojnë sistemit dhe ka vetëm 12 prokurorë të sjellë nga KLP-ja.
Kjo e bën sistemin e prokurorisë të funksionojë shumë keq, sipas gazetarit Zhabina.
LEXONI GJITHASHTU
