Protesta e 6 dhjetorit, kreu i Policisë së Shtetit takohet me përfaqësues të PD-së

Mëngjesin e së enjtes, drejtori i Policisë së Shtetit, Muhamet Rrumbullaku zhvilloi një takim me përfaqësues të Partisë Demokratike për protestën që pritet të zhvillohet më 6 dhjetor.

Në një komunikim për mediat, përfaqësuesi i PD-së Çlirim Gjata tha se protesta është e drejtë, kushtetuese e paqësore.

Më 25 nëntor, Policia e Shtetit refuzoi kërkesën e Sali Berishës për të zhvilluar protestë më 6 dhjetor, ditën kur në Tiranë organizohet samiti me liderët e BE.

Por Sali Berisha së bashku me kreun e Partisë së Lirisë, Ilir Meta janë shprehur të vendosur se protesta do të zhvillohet mesditën e 6 dhjetorit përballë Kryeministrisë.

Policia e Shtetit po përgatit teknikalitetet e fundit për planin e masave mbi Samitin e Bashkimit Europian që do të mbahet në Tiranë më 6 dhjetor.

Rreth 1500 efektivë pritet të jenë në terren, ndërsa akse të shumta rrugore do të bllokohen për kalimin e delegacioneve. Ndërkohë nuk do të mungojë edhe bllokimi i disa akseve rrugore.

LEXONI GJITHASHTU:

• 1.5 mijë forca në terren për samitin, perimetri i sigurisë ‘zonë e ndaluar’
• Policia refuzon kërkesën e PD për protestë: Bëjeni jashtë perimetrit të sigurisë
• S’ka lidhje me ndërkombëtarët, Spahiu: Ja pse protesta e PD është lënë në 6 dhjetor