Protesta e opozitës, Boçi: Kërkojmë rotacion politik dhe qeveri teknike

Militantët e Partisë Demokratike janë duke u mbledhur në oborrin e selisë së PD për t’u bashkuar në bulevardin dëshmorët e kombit dhe para kryeministrisë aty ku pritet të mbahet protesta e opozitës.

Nga selia e PD, në një intervistë për gazetarin Ardit Hoxha, nënkryetari i PD, Luçjano Boçi tha se protesta e sotme ka aksionin dhe qëllimin e saj, që është lirimi i liderit të opozitës Sali Berisha dhe një qeveri teknike.

“Specifika e protestës së sotme lidhet me momentin kur mbahet, mesazhet dhe arritjen e qëllimeve që i ka vënë vetës; për lirimin e liderit të opozitës dhe krijimin e një qeverie teknike. Qytetarët kërkojnë sot një rotacion politik që pengohet nga skema e instaluar nga Rama. Kjo protestë është akt bashkimi madhor i PD, i pritshëm nga qytetarët por ka thelbin e aksionit të saj që janë ato synime që përmenda më sipër”, tha Boçi.

LEXONI GJITHASHTU:

• Shefi organizativ i PD sqaron protestën: Kërkojmë qeveri teknike
• VIDEO| Gati protesta e opozitës, militantët mblidhen në selinë e PD