Marshimi i opozitës për atentatin në Dobraç, qytetarët grumbullohen përpara bashkisë

Pas atentatit në qytetin e Shkodrës, ku mbetën të vdekur 3 persona dhe një tjetër u plagos rëndë, opozita ka thirrur këtë të shtunë një marshimi në orën 12:00, në këtë qytetet në nder të viktimave.

Mbështetës të opozitës dhe qytetarë janë mbledhur para bashkisë së Shkodrës në atë që u quajt si marshim-solidariteti kundër kriminalitetit.

Nga masakra, humbën jetën Hamza Lici, vëllai i Ibrahim Licit, Arlind Bushati, i cili ndërroi jetë në spital dhe Flutura Basha, kalimtare, kurse Bashkim Basha, bashkëshorti i Fluturës, mbeti i plagosur në ngjarje.

Motivi i atentatit dyshohet të jetë hakmarrja, me një histori konflikti mes dy fiseve, Bajri dhe Lici, që ka vazhduar për vite.

Kujtojmë që pak kohë më parë, Arlind Bushati ishte kërcënuar me armë nga dy persona në një motoçikletë, afër banesës së tij.

Një ditë pas ngjarjes qytetarët e Shkodrës ishin thirrur për të mbajtur homazhe në ndër të viktimave, por askush nuk denjoi të shkonte në vendngjarje, kjo pasi situata në fjalë ka ngjallur frikë në qytet.

LEXONI GJITHASHTU:

• Frikë në Shkodër, pse qytetarët nuk mbajtën homazhe për viktimat e Dobraçit
• Kush vrau në Shkodër? Prençi: Çfarë mësuan rivalët që Arlindi po e kërkonte me ngulm