Prej orës 10:00, dhjetëra persona janë grumbulluar para godinës së Strukturës së Posaçme (SPAK), në një protestë që u thirr nga Partia Demokratike për shembjen e Teatrit Kombëtar.

Gazetari i Euronews Albania, Eni Ferhati raporton se deri më tani në protestë ka aktivistë të Aleancës për Mbrojtjen e Teatrit.

Ata kanë vendosur pankarta para godinës, ku kërkojnë përgjigje nga SPAK në lidhje me çështjen e teatrit, ku sipas tyre, organi i akuzës hesht prej 3 vitesh.

Pritet që kësaj proteste t’i bashkohen edhe eksponentë të Partisë Demokratike, por deri në në këto momente, para SPAK ndodhen vetëm pjesëtarët e Aleancës për Mbrojtjen e Teatrit.

1 of 3

Disa javë më parë, Struktura e Posaçme (SPAK) konfirmoi se ka nisur hetimet për shembjen e godinës së Teatrit Kombëtar.

SPAK thekson se hetimi për këtë çështje është në fazën paraprake, por siguron se po kryen verime të gjithanshme, për të cilat nuk mund të japë detaje të mëtejshme për shkak të ruajtjes së sekretit hetimor.

Godina e Teatrit Kombëtar u shemb më 17 maj të vitit 2020 pas një rezistence të gjatë të Aleancës për Mbrojtjen e Teatrit Kombëta, e cila kundërshtonte prishjen e ndërtesës me argumentin se përbën trashëgimi kulturore.

LEXONI GJITHASHTU

• Hervin Çuli merret në pyetje nga SPAK për shembjen e teatrit
• SPAK nis hetimet për shembjen e Teatrit Kombëtar
• Aktivistët kallëzojnë në SPAK qeveritarët që i kthyen bashkisë truallin e teatrit