Protesta kundër Gjykatës Speciale, reagon PSD: Trëndafilova nuk është e mirëseardhur

Partia Socal-Demokrate në Kosovë ka reaguar pas arrestimit të saj Dardan Molliqaj dhe 3 aktivistë të tjerë të kësaj partie pas incidenteve të shkaktuara para Gjykatës Speciale.

Përmes një postimi në faqen zyrtare të PSD thuhet se Gjykata është raciste, e padrejtë dhe segreguese dhe se rezistenca kundër saj do vijojë,

“Në kundërshtim të Gjykatës Speciale, gjatë protestës së PSD janë arrestuar gjashtë aktivistë: Kryetari Dardan Molliqaj, Zgjim Hyseni, Nol Nushi, Korab Korça, Agron Kabashi dhe Gent Ibrahimi.

Kjo është përpjekje për disiplinim dhe përmirësim imazhi për gjykatën e padrejtë speciale.

Metodat frikësuese neve nuk na ndalin. Gjykata është raciste, e padrejtë dhe segreguese. Rezistenca vazhdon. Z. Trendafilova nuk është e mirëseardhur. Policia mund ta garantojë sigurinë fizike, por jo imazhin e një kryesuese të një procesi të padrejtë. Kërkojmë urgjentisht të lirohen aktivistët tanë!”, thuhet në reagimin e PSD.

LEXONI GJITHASHTU:

• “Kurti i do mediat në kafaz”, PSD akuza për sulm ndaj fjalës së lirë
• Tensione në Kosovë, sulmohet me tymuese takimi i drejtueses së Gjykatës Speciale