Tensione në Kosovë, sulmohet me tymuese takimi i drejtueses së Gjykatës Speciale

Partia Socialdemokrate e Kosovës, ka zhivlluar një protestë kundër mbërritjes në Prishtinë të kryetares së Dhomave të Specializuara të Kosovës, Ekaterina Trendafilova.

Eksponentë të PSD-së kanë sulmuar me tymese ambientet e një hoteli, ku drejtuesja e Gjykatës Speciale mbante një takim me shoqërinë civile.

“TrendafilOUT”, “UÇK-ja nuk mund të gjykohet”, “Historia është shkruar, propaganda ka dështuar”, kanë qenë disa nga pankartat e mbajtura nga aktivistët e PSD-së.

Menjëherë pas nisjes së sulmeve me tymuese, ka ndërhyrë policia e Kosovës e cila ka bërë dhe shoqërimet e para në polici.

Bëhet me dije se janë arrestuar katër pjesëtarë të PSD-së, kryetari i kësaj force politike Dardan Molliqaj, Zgjim Hyseni, Nol Nushi, Korab Korça, Agron Kabashi dhe Gent Ibrahimi.

Në fjalën e tij gjatë protestës Molliqaj akuzoi Vetëvendosjen për arrestimet nga Specialja të krerëve të UÇK-së.

“Mos harroni, arrestimi i Thacit dhe të tjerëve që janë në Hagë ka qenë i mundshëm vetëm pas një fryme që ka ardhur VV-ja. Kur e panë që populli po e mbështet një subjekt politik që s’e mbështet luftën e UÇK-së, e panë që është e mundshme”, tha Molliqaj.

LEXONI GJITHASHTU:

• Protesta kundër Gjykatës Speciale, reagon PSD: Trëndafilova nuk është e mirëseardhur
• Arrestohet kreu i PSD në Kosovë, gazetari zbulon detaje nga protesta e dhunshme