Protesta kundër NATO-s dhe pro Ukrainës, në Mynih diskutohet fati i luftës

Mynihu nuk ishte vetëm mikpritës i Konferencës së Sigurisë, pasi nga ana tjetër u zhvilluan edhe protesta të cilat kundërshtojnë luftën e cila është duke u zhvilluar në Ukrainë.

Rreth 10,000 protestues u mblodhën në Königsplatz të qytetit jugor gjerman – ku u bënë bashkë protestues anti-NATO, pacifistë dhe aktivistë pro-kurdë.

Por paralelisht u mbajt edhe u mbajt një tubim pro-Ukrainë, duke bërë thirrje për më shumë ndihmë ushtarake dhe mbështetje ndërkombëtare për vendin e shkatërruar nga lufta.

Protesta vjen pas dy ditësh bisedime në Konferencën e Sigurisë në Mynih, ku liderët evropianë dhe ekspertët e sigurisë u zotuan të intensifikojnë mbështetjen për Ukrainën ndërsa ajo lufton me trupat ruse.

Presidenti francez, Emmanuel Macron në fjalimin e tij theksoi se nuk ishte momenti i duhur për të hapur bisedimet me Moskën.

“Nuk është koha për dialog sepse ne kemi një Rusi e cila ka zgjedhur luftën, e cila ka zgjedhur të intensifikojë luftën dhe që ka zgjedhur të sulmojë infrastrukturën civile”, tha  Macron .

Ndërkohë, kancelari Olaf Scholz theksoi se mbështetja gjermane për Kievin ishte “projektuar që të zgjasë” dhe u kërkoi aleatëve të shpejtonin dërgesat e tankeve të rënda të premtuara në Ukrainë.

LEXONI GJITHASHTU

• SHBA paralajmëron pasoja për Kinën nëse ofron mbështetje për Rusinë
• Biden do të vizitojë Poloninë në prag të 1-vjetorit të luftës Rusi-Ukrainë
• Emmanuel Macron: Dua fitoren e Ukrainës, por jo shkatërrimin e Rusisë