“Protesta në Beograd, nga shërbimi sekret rus”, eksperti: Çfarë po ndodh në Serbi

Eksperti i sigurisë Drizan Shala tha në një intervistë për Euronews Albania, se është e çuditshme deklarata e kryeministres së Serbisë, e cila tha se informacionin për organizimin e protestës,  e ka marrë nga Shërbimi Ferderal Rus (FSB).

Sipas tij, kjo gjë ngre dyshime se shërbimet sekrete ruse, tashmë kanë zyra në Beograd dhe se  protestat e zhvilluara mund të përdoren për të legjitimuar disa veprime të tjera të Serbisë.

“Është interesante një element thelbësor, të cilin me apo pa dashje, Ana Bernabiç tha se informacionin për organizimin e protestës së mbajtur ditët e fundit e ka marrë nga shërbimi federal i Rusisë.

Pyetja është pse Shërbimi federal rus, ka zyra të sajat në Beograd? A do të thotë kjo se pas këtyre protestave ndoshta qëndrojnë elemente serbe dhe ruse, për të argumentuar këtu ndonjë skenar të mundshëm të Beogradit për të legjitimuar veprime që mund të ndërmerren nga ai”,-tha eksperti i sigurisë.

LEXONI GJITHASHTU:

• “Po torturojnë të rinjtë”- Nuk ndalen protestat për zgjedhjet në Serbi
• Analisti amerikan: Sarajeva, Prishtina dhe Podgorica ne rrezik nga politika e Vuçiç