Protesta në RMV, Mickoski akuzon një shqiptar se donte ta vriste

Protestat kundër propozimit francez në Shkup kanë marrë rrjedhë tjetër pasditen e sotme, kur një pjesë e protestuesve tentoi të hynte në Çarshinë e Vjetër dhe u përleshën me shqiptarët lokalë në sheshin “Skenderbeu”.

Ndërsa mijëra protestues po marshonin nga Qeveria drejt Kuvendit, një pjesë e tyre janë drejtuar drejt sheshit “Skënderbeu”, ku dhjetëra shqiptarë u kundërpërgjigjën me gurë e sende të forta.

Sipas raportimeve, një shqiptar, pronar i hotelit pranë sheshit “Skenderbeu” në Shkup madje ka drejtuar armë zjarri dhe ka shtënë dy herë në ajër. Kryetari i partisë opozitare maqedonase Hristijan Mickoski publikoi fotografinë e shqiptarit me mbishkrimin “Ky është personi që duhej të më vriste sonte”.

Sipas informacioneve, shqiptarë që nxori armën tashmë është arrestuar. Policia ka parandaluar përshkallëzimin e mëtejshëm të situatës, ndërsa protestuesit vazhdojnë protestën para Kuvendit.

LEXONI GJITHASHTU:

• Partitë në RMV grupe pune për të shqyrtuar propozimin francez