Protesta nis me himnin kombëtar, aktivisti: Fajin e kemi vet…

Aktivisti Aulon Kalaja ka hapur fjalimin pasi përfundoi himni në bulevardin  “Dëshmorët e Kombit”, aty ku prej orës 12:00 nisi protesta e opozitës.

Sipas tij demokracia është në rrezik edhe për fajin e qytetarëve protestues.

“Ne nuk folëm kur duhej bërtitur, ne nuk i ngritëm sytë kur koka duhej ngritur, ne nuk u çuam kur duhej kryengritje, qeverisemi nga dikush që është i palidhur dhe i pakushtëzuar me ligjin,” – u shpreh Kalaja.

Sot pritet të jepet vendimi për “vulën” e partisë më të madhe opozitare. Gjykata e Apelit pritet të vendosë nëse PD zyrtare do të jetë në “duart” e Enkelejd Alibeajt apo Sali Berishës.

Ish-kryeministri ka thirrur protestë kombëtare por sipas tij nuk ka të bëjë me vendimin e gjykatës por me rrëzimin e qeverisë Rama. Protesta nisi në orën 12:00,  ndërsa rrugët do të qëndrojnë të bllokuara nga ora 10:00 deri në fund të tubimit.

LEXONI GJITHASHTU:

• Ilir Meta i bashkohet tubimit të opozitës: Jam i ftuar në protestë
• Berisha del nga selia e PD-së me ovacione, shkon drejt protestuesve