Protestat në Gjeorgji/ Arrestohen 20 persona, mes tyre 2 amerikanë dhe 1 rus

Dy shtetas amerikanë dhe një rus ishin në mesin e 20 personave të arrestuar në protestat e Tbilisit, ndërsa ligjvënësit gjeorgjianë po debatonin një projektligj për “agjentët e huaj” që ka shkaktuar një krizë politike, tha të hënën Ministria e Brendshme.

Protestuesit ishin në mesin e disa mijëra kundërshtarëve të projektligjit, të cilët dëgjuan thirrjen e opozitës së Gjeorgjisë për të organizuar një protestë gjithë natën jashtë parlamentit me synimin për të penguar ligjvënësit të hyjnë në ndërtesë të hënën.

Megjithatë, ligjvënësit arritën të hyjnë në ndërtesën e parlamentit ku komisioni gjyqësor, i bojkotuar nga partitë opozitare, miratoi zyrtarisht legjislacionin në një seancë një minutëshe. Asambleja e plotë pritet të debatojë dhe miratojë projektligjin në lexim të tretë dhe të fundit të martën.

Ambasada e SHBA-së dhe përfaqësuesit diplomatikë të Rusisë në Gjeorgji nuk iu përgjigjën menjëherë kërkesave të dërguara me email për koment mbi qytetarët e tyre të ndaluar. Rusia aktualisht nuk ka një ambasadë në Gjeorgji, për shkak të mosmarrëveshjes së vendeve mbi dy rajone separatiste të mbështetura nga Moska, shkruan Reuters.

LEXONI GJITHASHTU:

• Policia gjeorgjiane shpërndan me forcë protestuesit në Tbilisi
• Kryeministri i Gjeorgjisë akuzon zyrtarin e SHBA për mbështetje të revolucionarëve