Protestë në Shtërpcë pas plagosjes së dy të rinjve serbë

Serbët kanë nisur një protestë në Shtërpcë, e cila po mbahet para Shtëpisë së Kulturës në këtë komunë të banuar me shumicë serbe.

Policia e Kosovës njoftoi se rruga rajonale Shtërpcë-Prevallë, nga fshati Drajkovc deri në Brezovicë, do të jëtë e mbyllur për qarkullim deri në përfundimin e protestës së paralajmëruar, që nisi në orë n 12:00, shkruan REL.

Protesta u paralajmërua ditën e djeshme nga kryetari i Komunës së Shtërpcës, që është edhe nënkryetar i Listës Serbe, Dalibor Jevtiç, pas plagosjes së dy të rinjve serbë në këtë komunë.

Më 6 janar Policia e Kosovës njoftoi se dy persona, njëri rreth 11-vjeçar dhe tjetri rreth 21-vjeçar, janë plagosur me armë zjarri, në fshatin Drajkovc të komunës së Shtërpcës.

Sipas njoftimit, ndaj tyre është shtënë me armë zjarri nga të dyshuar, të cilët ishin me një automjet të udhëtarëve në lëvizje, që po qarkullonte nga Shtërpca në drejtim të Ferizajt.

Lidhur me rastin, policia ka identifikuar e më pas ka arrestuar të dyshuarin me inicialet A.K. i moshës 33-vjeçare.

LEXONI GJITHASHTU

• SHBA-ja dhe BE-ja dënojnë plagosjen e dy personave në Shtërpcë
• Plagosja e 2 personave në Shtërpcë, thirren protesta
• Plagosen me armë zjarri 2 persona në Shtërpcë, banorët serbë bllokojnë rrugën