‘Protestë pa vlerë politike’, Zekthi: Çfarë u demonstroi Berisha ndërkombëtarëve

Analisti Fitim Zekthi është shprehur se protesta e 12 nëntorit nuk pati asnjë vlerë politike.

Në një intervistë për Euronews Albania, Zekthi theksoi se ishte një protestë e madhe për standardet e një proteste partiake.

“Shqipëria protesta partiake zhvillon gjithmonë. Ishte një protestë e madhe për standardet e një proteste partiake, por një protestë pa asnjë vlerë politike në kuptimin e presionit që ushtrojnë protestat qeveritare ndaj qeverisë”- nënvizoi Zekthi.

Zekthi tregoi dy kushtet që duhet të plotësojë një protestë që të jetë e suksesshme.

“Është një gjë e përsëritur. Protesta që të mos jetë një orë në ditë dhe të ndërpritet është se protesta duhet të vazhdojë vijëmisisht. Kushti i dytë është që ajo ditë pas dite të vijë duke u rritur dhe duke u ulur, vetëm kështu protestat kanë sukses. Protestat tjera janë kot, bëhen për të rregulluar jetën e brendshme politike”- deklaroi ai.

Më tej ai deklaroi se nëpërmjet protestës Berisha dëshmoi se ka një koalicion të fortë me kreun e Partisë së Lirisë.

“Berisha dëshmoi se ka një koalicion të fortë me Metën. Po ashtu ai ju tregoi ndërkombëtarëve se ka njerëz që mund t’i përdorë”- tha ai.

LEXONI GJITHASHTU: 

• Kadilli: Protesta e 12 nëntorit nuk i përmbushi pritshmëritë, Rama s’u rrëzua
• VIDEO | Akuzat ndaj Manchester United, Ronaldo shpërfillet edhe nga shoku i ngushtë
• Njihuni me 11-vjeçarin që shpiku dezinfektuesin: Ndihmon edhe mjekët