Protestuesit do mblidhen te sheshi “Skënderbej”, detaje nga protesta e PD-së

Krahas samitit të Bashkimit Evropian me vendet e Ballkanit Perëndimor që do të mbahet këtë të martë në Tiranë, opozita do të zhvillojë protestën e saj, e thirrur nga Partia Demokratike.

Euronews Albania ka mësuar disa nga detajet në lidhje me protestën që do të organizojë kjo forcë politike.

Protestuesit do të mblidhen te sheshi “Skënderbej” dhe fonia që do të përdoret gjatë protestës do të jetë e lëvizshme.

Për të shpërndarë zërin e folëve, do të përdoret një mjet ku do të jenë të vendosur disa foni. Gjatë protestës do të ketë pankarta të shkruara në anglisht, por edhe shumë thirrje do të jenë po në anglisht.

Kreu i kësaj force politike, Sali Berisha ka thënë se protesta do të mbahet në orën 12:00 para Kryeministrisë. Por mësohet se protesta do të mbahet në pjesën e bulevardit para ish-hotel Dajtit.

Edhe pse policia nuk ka dhënë leje për protestën brenda perimetrit të sigurisë, Berisha ka deklaruar se populli opozitar do të mbushë rrugët dhe sheshet e Tiranës.

LEXONI GJITHASHTU

• Samiti i BE-së, hiqen automjetet e parkuara në zonën brenda perimetrit të sigurisë
• Samiti i BE-së, Muhamet Rrumbullaku inspekton masat e sigurisë në Bulevard
• Shtohen forcat e policisë në Bulevard për samitin e BE-së