Policia bashkiake ka nisur heqjen e automjeteve të parkuara, të cilat ndodhen pranë rrugës “Mustafa Matohiti”, një zonë e konsideruar brenda perimetrit të sigurisë, për shkak të mbajtjes së samitit të Bashkimit Evropian me vendet e Ballkanit Perëndimor.
Përveç zhvendosjes së tyre me karrotrec, policët bashkiakë kanë vendosur edhe gjoba për drejtuesit e automjeteve.
Ditën e djeshme, policia njoftoi se në rrugët që do të jenë të bllokuara në kryeqytet, nuk do të lejohej as parkimi i automjeteve.
Rreth 1500 efektivë do të jenë në terren, ndërsa akse të shumta rrugore janë bllokuar për kalimin e 27 delegacioneve delegacioneve evropiane.
Ndërkohë, krahas samitit, do të zhvillohet një protestë, e thirrur nga Partia Demokratike. Kreu i kësaj force politike, Sali Berisha ka thënë se protesta do të mbahet në orën 12:00 para Kryeministrisë.
Edhe pse policia nuk ka dhënë leje për protestën brenda perimetrit të sigurisë, Berisha ka deklaruar se populli opozitar do të mbushë rrugët dhe sheshet e Tiranës.
LEXONI GJITHASHTU
- Samiti i BE-së, Muhamet Rrumbullaku inspekton masat e sigurisë në Bulevard
- Shtohen forcat e policisë në Bulevard për samitin e BE-së
- Samiti BE-BP, forcat e policisë me snajper mbi godinën e Politeknikut
