Artistja Ermira Murati ka zgjedhur që të godasë politikisht përmes pikturave të saj. Ajo ka realizuar një vepër e cila ngjall provokim, ku në të shfaqen kryeministri i Kosovës Albin kurti dhe presidenti serb Aleksandër Vuçiç duke shkëmbyer një puthje në buzë.
Artistja, e cila në rrjete sociale njihet me emrin “Orange girl”, ngre pikëpyetje me veprën e saj duke thënë: “a do të jetë kjo puthja e miqësisë apo e tradhtisë?”
“Nga puthja pritet solemnitet dhe përnaltësim. Puthja është shprehje, por asnjëherë neutrale. Ajo merr kuptim varësisht kontekstit, ku dhe pse jepet.
Historia shënon në arkivën e saj puthje nga momente dhimbjeje e lamtumirëse. Por historia njeh edhe puthjet e vëllazërisë apo edhe tradhëtisë. A do të jetë edhe kjo njëra ndër to?
Dimensionet e pikturës: 3mx1.60m, pëlhurë”, shkruan Murati.
LEXONI GJITHASHTU:
- “Sovraniteti i Kosovës nuk preket”| Presidenti Begaj takon Osmanin dhe Kurtin
- Deklarata e fortë e Zekës: Dyshime që VV vrau aktivistin, si e përdori Albin Kurti
