PS e vetme në zgjedhjet vendore, Balla: Aleanca jonë e vetme janë qytetarët

Në zgjedhjet lokale të pranverës së ardhshme partia socialiste do të garojë e vetme dhe jo me aleatë. Kreu i grupit parlamentar socialist, taulant balla deklaroi se aleatët e tyre janë vetëm qytetarët.

“Partia Socialiste e Shqipërisë edhe në vitin 2021, edhe në vitin 2019 ka garuar e vetme, edhe në vitin 2017 po ashtu. Kështu që në këtë aspekt besoj që ne e kemi qartësuar opinionin tonë. Ne do të vazhdojmë të bashkëqeverisim vetëm me aleatin tonë të vetëm që janë njerëzit e thjeshtë dhe të zakonshëm”, tha Balla.

Edhe pse Partia Socialiste nuk ka fituar asnjëherë bashkinë e Shkodër, Balla pretendon se në maj të 2023-shit socialistët do e fitojnë këtë bashki.

“Mjafton të shikoni zgjedhjet e 6 marsit që në Shkodër pati një pjesë e caktuar e opozitës që mori mandat dhe unë besoj që qytetarët e Shkodrës e kuptojnë që nuk ka qenë zgjedhja më e mirë. Besoj që në maj të vitit të ardhshëm kur të kemi zgjedhjet, PS do të synojë fitoren pas shumë vitesh edhe në bashkinë Shkodër”, u shpreh Balla.

Kur na ndajnë edhe 7 muaj nga zgjedhjet për të parët e 61 bashkive, shumica socialiste ende nuk ka një qëndrim zyrtar për hartën territoriale të vendit.

LEXONI GJITHASHTU:

• Balla: Meta ka qenë gjithmonë me Berishën, edhe kur qeveriste me ne
• FMN kundër amnistisë fiskale, Balla: Do miratojmë projektligjin