PS hap sot fushatën elektorale, ja ku pritet të mbahet ceremonia

Partia Socialiste hap këtë të martë fushatën për zgjedhjet e 14 majit. “Kurrë më pas, vetëm përpara” do të jetë slogani i kandidatëve socialistë.

Pasditen e së martës, në orën 18:00, Partia Socialiste do të hapë fushatën në Tiranë për zgjedhjet lokale të 14 majit. Organizatorët kanë menduar lulishten pranë sheshit Skëndërbej si vendin ku do të prezantojnë 61 kandidatët për kryetar bashkie.

Ndryshe nga fushatat e tjera, më herët vetë kryeministri Rama ka deklaruar se selia rozë këtë vit do të ketë një fushatë ndryshe, ku në fokus të saj do të jetë edhe mbjellja e pemëve.

Për këtë, edhe e marta pasdite nuk do të jetë një hapje tradicionale e fushatës; por pas një fjale të kryeministrit, do të mbillen pemë.

Në hapjen e fushatës do të jetë i pranishëm edhe grupi parlamentar edhe Kryesia e Partisë Socialiste, e cila do të mblidhet vetëm një orë përpara se të hapet fushata.

Kryesia do të përcaktojë edhe sloganin e socialistëve për zgjedhjet e 14 majit, ku nga ajo që Euronews Albania ka mësuar pritet të jetë “Kurrë më pas, vetëm përpara”.

LEXONI GJITHASHTU:

• Beteja për zonat “problematike” në Korçë, si po nis fushata elektorale
• Porti, hekurudha dhe të pakënaqurit nga ‘tërmeti’/ Si po nis fushata në Durrës?
• “Nxehet” fushata në Shkodër, PS dhe aleatët në terren përballë demokratëve